Det Kvite Huset
Nyheter om Det Kvite Huset
Trump vurderer å kjøpe Chagosøyene
Det Kvite Huset skal vurdere ein plan om å kjøpa Chagosøyene frå Mauritius. Det erfarer avisa The Telegraph. Storbritannia og USA har vore ueinige om den viktige militærbasen Diego Garcia, der landa delar ein felles base.
Reuters: Vance er framleis i Washington
USAs visepresident JD Vance har ikkje reist til Islamabad i Pakistan for å delta i samtalar med Iran, melder Reuters. Vance skulle etter planen ha leia den amerikanske delegasjonen. Ei kjelde i Det Kvite Huset seier han skal delta i politiske møter i Washington.
Machado angrar ikkje på at ho gav bor fredsprisen
Nobelprisvinnar Maria Corina Machado seier ho ikkje angrar på at ho gav bort fredsprisen til USAs president Donald Trump i januar. – Det er ein statsleiar i verda som sette livet til sitt lands borgarar på spel for Venezuelas fridom, sa ho på ein pressekonferanse i Madrid laurdag, melder AFP. Ho gav Nobelmedaljen sin til Trump då ho møtte han i Det Kvite Huset to veker etter at han hadde beordra amerikanske soldatar til å angripe Venezuela og gripe president Nicolás Maduro.
Det Kvite Huset vil endre presserommet
Det Kvite Huset vil ta kontrollen over presserommet og ikkje lenger la pressa sin eigen organisasjon bestemme kva plassar journalistar frå dei ulike media får under pressebriefar. Det seier lukka kjelder til CNN og Axios. Presseklubben i Det Kvite Huset reagerer: – Det Kvite Huset bør droppe dette forsøket og vise det amerikanske folket at dei ikkje er redde for å forklare sin politikk via spørsmål frå ei presse som er uavhengig frå myndigheitene, seier dei i ei utsegn.
Det Kvite Huset: Nobelkomiteen set politikk føre fred
Ein talsperson for Det Kvite Huset i USA seier Nobelkomiteen set politikk føre fred, når dei tildeler prisen til María Corina Machado. President Donald Trump har fleire gonger sagt at han meiner fredsprisen burde gå til han. – Trump vil halde fram med å gjera avtalar rundt om i verda, seier talspersonen..
TikTok-avtale nær: USA får kontroll over styret
Det kinesiske morselskapet til TikTok kan snart selje den amerikanske verksemda, melder AFP. Avtalen vil bety at det blir oppretta eit nytt styre for appen i USA. Ifølgje Det Kvite Huset vil seks av sju styreplassar bli heldt av amerikanarar.
Zelenskyj er kome til Det Kvite Huset
Ukrainas president Volodymyr Zelenskyj har kome til Det Kvite Huset i Washington. Han blei møtt av president Donald Trump. Dei to skal først ha møte aleine for å drøfte vegen mot fred i Ukraina, før europeiske leiarar og Nato-sjefen også skal delta på møtet..
Europeiske leiarar kjem til Det Kvite Huset
Dei europeiske leiarane som skal møte USAs president Donald Trump og Ukrainas president Volodymyr Zelenskyj i Washington måndag, er i ferd med å komme til Det Kvite Huset. Trump og Zelenskyj skal først ha møte aleine med medarbeidarar, før dei europeiske leiarane som har reist til den amerikanske hovudstaden på kort varsel, også blir med på møtet..
Støre: Angrep mot sivile må stoppe før seriøse forhandlingar om varig fred
Statsminister Jonas Gahr Støre deltok på videomøtet mellom europeiske leiarar og Ukrainas president Volodymyr Zelenskyj søndag. – Vi gir støtte til Zelenskyj om at det ikkje kan bli forhandla om Ukrainas framtid utan Ukraina. Russiske angrep mot ukrainske sivile mål må stoppe før det kan vere seriøse forhandlingar om varig fred, seier han i ei melding til NRK.
Trump: Har gjort framsteg for fred i Ukraina
USAs president Donald Trump sa det er gjort store framsteg for å finne ei løysing på krigen i Ukraina, og at han trur Russlands president Vladimir Putin er interessert i at krigen skal ta slutt. Måndag tok han imot Ukrainas president Volodymyr Zelenskyj i Det ovale kontor i Det Kvite Huset. Zelenskyj takka den amerikanske presidenten for innsatsen han har gjort.
Macron: Ukraina og Europa står saman før samtalar i Washingtons
Måndag skal Ukrainas president Volodymyr Zelenskyj og fleire europeiske leiarar møte president Donald Trump i Det Kvite Huset i Washington. Målet er å vise at Ukraina og Europa står samla om kva som må til for å få til ein varig fred i Ukraina, sa Frankrikes president Emmanuel Macron etter eit videomøte mellom Zelenskyj og dei europeiske leiarane i koalisjonen av villige søndag. – Dersom vi viser svakheit overfor Russland i dag, legg vi grunnlaget for framtidige konfliktar, sa han.
Møtet mellom europeiske leiarar er over
Videomøtet mellom europeiske leiarar og Ukrainas president Volodymyr Zelenskyj er over, seier polens utanriksminister Radoslaw Sikorski, melder Reuters. Han seier at dei blant anna snakka om korleis presset mot Russland må auke for å få i stand ein fred i Ukraina. Møtet blei halde søndag ettermiddag i forbindelse med at Zelenskyj og fleire europeiske leiarar skal møte president Donald Trump i Det Kvite Huset i Washington måndag..
Støre deltek på møte om Ukraina søndag
Statsminister Jonas Gahr Støre (Ap) skal delta i videomøtet i koalisjonen av villige for Ukraina søndag. Dei europeiske leiarane skal møtast i samband med at Ukrainas president skal møte president Donald Trump i Det Kvite Huset måndag. Møtet blir leia av Frankrike, Tyskland og Storbritannia.
Medium: Europeiske leiarar inviterte til møte i Washington
Europeiske leiarar er inviterte til å delta på møtet mellom Donald Trump og Volodymyr Zelenskyj i Det Kvite Huset måndag, opplyser kjelder til New York Times. Også kjelder til Reuters seier at europeiske leiarar kan vere med i møtet. Det er ikkje kjent kva leiarar som eventuelt blir med på møtet, men leiarar for landa i den såkalla koalisjonen av villige skal møtast i eit videomøte søndag.
Trump skal ta imot Putin på flyplassen
Flyet til Russlands president Vladimir Putin landar i Anchorage i Alaska klokka 21, opplyser Putins talsmann Dmitrij Peskov, ifølge Reuters. USAs president Donald Trump skal møte Putin ved flyet, seier Peskov til russisk TV. Det Kvite Huset har tidlegare opplyst at dei to presidentane skal møtast på tomannshand, berre med tolkar til stades.
USA held att våpen til Ukraina
Det amerikanske forsvarsdepartementet held igjen tilbake lova våpenleveransar til Ukraina. Grunnen er uro for at dei har lite igjen til eigen behaldning. – Avgjerda er tatt for å sette USA sine interesser fyrst, etter ein gjennomgang av nasjonen vår si militære støtte og assistanse til andre land.
Studie: Millionar kan døy av amerikansk bistandskutt
Fleire enn 14 millionar menneske, ein tredel av dei små barn, kan døy som fylgje av Trump-administrasjonen sine bistandskutt. Det viser ein studie publisert i tidsskriftet The Lancet. Det amerikanske byrået for internasjonal utvikling (USAID) har stått for over 40 prosent av finansieringa av global bistand.
Trump seier Noreg og Finland vil vera trygge
USAs president Donald Trump er ikkje uroa etter meldingar om meir russisk militær aktivitet nær grensene til Noreg og Finland. På ein pressekonferanse i Det Kvite Huset sa Trump til SVT at Noreg og Finland er to land som vil vera svært trygge. Den svenske kringkastaren har tidlegare fortalt om satelittbilete som tyder på oppbygging av russiske styrkar, helikopter og kampfly i det nordvestlege Russland..
Mann for sine capsar
Elon Musk var hjarteleg til stades under regjeringsmøtet ti Det Kvite Huset onsdag. Undervegs lét han kleskode vere kleskode og tok på seg to capsar til ære for fotografane og presidenten. Ein Doge-caps og ein med «Gulf of America» – Du er invitert til å bli så lenge du vil, sa Trump.
Produktiv prat mellom Trump og Zelenskyj
Laurdag møttest USAs president Donald Trump og Ukrainas president Volodymyr Zelenskyj. Dei begge to er i Roma for å oververe pave Frans si gravferd. Det Kvite Huset seier at praten mellom dei to statsleiarane var «veldig produktiv»..
Meloni trur på tollavtale med USA
Italias statsminister Giorgia Meloni møtte USAs president Donald Trump i Det Kvite Huset i Washington torsdag. – Eg er sikker på at vi vil kome fram til ein avtale om toll, sa ho etter møtet. Meloni er ein av dei europeiske regjeringsleiarane Trump har mest sans for.
Wall Street steig ved opning
Indeksane på Wall Street steig ved opning måndag. Industriindeksen Nasdaq steig med over 2 prosent, etter at Det Kvite Huset seier at elektronikk ikkje vil vere omfatta av dei høge tollsatsane til USA, men vil få ein eigen tariff. Også Dow Jones steig med 0,83 prosent ved opning, medan S&P 500-indeksen steig med 1,47 prosent..
USA: Positive og konstruktive samatalar med Iran
Det Kvite Huset seier at samtalane med Iran laurdag var positive og konstruktive, melder Reuters. USAs utsending til Midtausten Steve Witkoff møtte Irans utanriksminister Abbas Araghchi gjennom mellommenn i Oman. Dei hadde blant anna samtalar om atomprogrammet til Iran.
Wall Street stengde med oppgang
Fredagen på Wall Street enda med ein oppgang. Samleindeksen S&P 500 steig med 1,81 prosent, teknologiindeksen Nasdaq steig med 2,06 prosent, medan industriindeksen Dow Jones steig med 1,56. Indeksane steig etter at Det Kvite Huset sa at det var framgang i samtalane med andre land om toll.
Reuters: Trump vil kasta ut ukrainarar
Styresmaktene i USA planleggjer å fjerna rettane til kring 240.000 ukrainske flyktningar i landet. Det opplyser fleire kjelder til nyheitsbyrået Reuters.
Bilateralt møte mellom Trump og Netanyahu
USAs president Donald Trump skal halde eit bilateralt møte med Israels statsminister Bejnamin Netanyahu tysdag. Det melder Det Kvite Huset..
Biden fyrste historiske besøk til Amazonas
President Joe Biden er på ein historisk tur til Amazonas for å vise at USAs bilaterale klimafinansiering har auka til 11 milliardar dollar i år. Dette gjer USA til den største bilaterale leverandøren av klimafinansiering i verda, sjølv om EU framleis er den største globale bidragsytaren. Det melder nyheitsbyrået AFP.
Biden besøker Amazonas
Den amerikanske presidenten Joe Biden er på ein historisk tur til Amazonas for å vise at USAs bilaterale klimafinansiering har auka til 11 milliardar dollar i år. Dette gjer USA til den største bilaterale leverandøren av klimafinansiering i verda, sjølv om EU framleis er den største globale bidragsytaren. Det melder nyheitsbyrået AFP.
Det Kvite Huset: Samtalane om humanitær våpenkvile er «veldig seriøse»
Det Kvite Huset seier at samtalane mellom Hamas og Israel om ei humanitær våpenkvile på Gazastripa er «veldig seriøse». Det er også samtalar om gislane som Hamas held inne i Gaza. Humanitær hjelp har fått kome inn til Gaza frå Jordan onsdag..
Det Kvite Huset: Biden og Netanyahu vil halde tett kontakt
USAs president Joe Biden og Israels statsminister Benjamin Netanyahu har hatt nye samtalar i dag. Dei skal blant anna ha diskutert gislane som palestinske Hamas har tatt. USA skal også ha sendt bistand til det israelske forsvaret som no skal vere på veg, og at dei vil sende meir.
Fleire enn 80 humanitære lastebilar inn i Gaza
Talsperson for Det Kvite Huset John Kirby seier at fleire enn 80 lastebilar med humanitær hjelp har fått reise inn til Gaza det siste døgnet. Han seier også at det er rundt 500-600 amerikanske statsborgarar att inne i Gaza..
Har sendt ammunisjon til Israel
USAs president Joe Biden og Israels statsminister Benjamin Netanyahu har hatt nye samtalar i dag. Dei skal blant anna ha diskutert gislane som palestinske Hamas har tatt. USA skal også ha sendt bistand til det israelske forsvaret i form av utstyr og ammunisjon.
Kongresskomité vedtok å offentleggjere Trumps skattemeldingar
Ein komité i Representanthuset har stemt for å offentleggjere skattemeldingane til tidlegare president Donald Trump, skriv Reuters. Det betyr at skattemeldingane frå åra 2016 til 2020 kan bli kjende om kort tid. Det opplyser Kevin Brady, som er republikanarane sin fremste representant i komiteen, som har demokratisk fleirtal.
Biden: – Klare til å svare på aggresjon mot Ukraina
– Tyskland og USA er klare til å svare på russisk aggresjon i Ukraina, sa USAs president Joe Biden då han møtte Tysklands kanslar Olaf Scholz i Det Kvite Huset, melder Reuters. – Tyskland er ein av USAs næraste allierte, og vi står saman mot russisk aggresjon i Europa, sa han..
Trump vil hemmeleghalde notat
Donald Trump vil hemmelegstemple dokument frå Det Kvite Huset frå hans tid som president. Det gjeld 770 sider med samtaleloggar og handskrivne notat frå tida rundt storminga av Kongressen 6. januar.
USA har evakuert 3200 frå Kabul
USA har så langt evakuert 3200 personar frå Afghanistan. 1100 av dei vart henta ut tysdag, fordelt på 13 flygingar. Det gjeld amerikanske statsborgarar, personar med fast opphald i USA og familiane deira, opplyser ein talsperson for Det Kvite Huset.
Hundane har forlate Det Kvite Huset
Kjæledyra til president i USA, Joe Biden, har forlate Det Kvite Huset. Dei to hundane som flytta inn saman med Biden, har reist heim til Wilmington etter ei «bitehending». Den yngste hunden, Major, skal ha vore aggressiv mot tilsette..
Biden vil hjelpe India
President Joe Biden seier at USA er fast bestemt på å sende hjelp til India så snart som mogleg. India er særs hardt råka av koronaviruset for tida, med fleire hundre tusen smittetilfelle kvar dag. Det Kvite Huset opplyser at dei jobbar med å sende medisinar og hurtigtestar, respiratorar og personleg smittevernutstyr, samt oksygenforsyningar.
USA rundar 200 millionar dosar
Denne veka kjem USA til å nå målet til president Joe Biden om å setje 200 millionar koronavaksinedosar i løpet av dei fyrste 100 dagane hans som president. Biden kjem til å halde ein tale om dette seinare onsdag, opplyser Det Kvite Huset..
Biden varslar pressekonferanse
Det Kvite Huset har varsla at president Joe Biden skal halde si første vanlege pressekonferanse torsdag. Det er venta at han vil få spørsmål om strengare våpenkontroll etter masseskytingane i Boulder og Atlanta..
Undersøker bruk av Det Kvite Huset
U.S. Office of Special Counsel har opna etterforsking av kampanjestaben til Trump etter skuldingar om ulovleg bruk av Det Kvite Huset, melder Reuters.
Skal jobbe for atomfritt Korea
President i USA, Joe Biden, og statsminister i Japan, Yoshihide Suga, er samde om å arbeide for at Koreahalvøya vert fullstendig fri for atomvåpen. Det var bodskapen Det Kvite Huset meldte etter den fyrste telefonsamtalen mellom dei to onsdag..
Hushaldssjefen tar imot Biden
Når Joe Biden flytter inn i Det Kvite Huset på onsdag, blir han tatt imot av hushaldssjefen, og ikkje den avtroppande presidenten slik tradisjonen er. Trump har alt varsla at han ikkje kjem til seremonien der Biden blir tatt i eid..
– Planla angrep på Det Kvite Huset
To menn er arresterte og terrorsikta for å angiveleg ha planlagt fleire terroråtak på blant anna Det Kvite Huset og Trump-tårnet i New York. Planane var inspirerte av terrorgruppa IS, ifølge nyleg publiserte rettsdokument i USA, melder AP..
Pence skal bli vaksinert fredag
Visepresidenten i USA, Mike Pence, skal ta koronavaksinen på sitt eige kontor i Det Kvite Huset fredag morgon klokka 8. Det opplyser talsperson i administrasjonen, Devin O'Malley, på Twitter. «Second Lady» Karen Pence skal også bli vaksinert fredag..
Les mer
Taggar
Personer
Abonner på nyheter (RSS)
Følj søkningen via rss
Med RSS er det enklere å følge nyhetene. Nyhetene lastes automatisk ned til din nyhetsleser og du trenger ikke gå inn på Nyhetspressen.com.